ენმ-ს წევრი გიგა ბოკერია პრემიერმინისტრის ინიციატივას აფასებს, რომლის თანახმადაც, საკონსტიტუციო ცვლილებების შემუშავების მიზნით, სამუშაო ჯგუფი უნდა შეიქმნას და ქართული ოცნების ქმედებებს არაადეკვატურს უწოდებს:

"არაადეკვატური, არაჯანსაღი და საშიში ჩვენი ქვეყნისთვის არის, როდესაც ქართული ოცნება ამ ძალადობით და ყველაფრით მაინც ხმების ნახევარზე ნაკლებს იღებს და აპირებს, რომ პარლამენტის 3/4-ზე მეტი დააკომპლექტოს და შემდეგ ეს გამოიყენოს იმისთვის, რომ თუ მოუნდა გააუქმოს საპრეზიდენტო არჩევნები, აწიოს გადასახადები რეფერენდუმის გარეშე, უსაზღვრო ვალები აიღოს კონტროლის გარეშე და მოკლედ ყველაფერი გააკეთოს, რაც ბიძინა ივანიშვილის შუშის სასახლეში მოუნდება".