პოლიციის უფროსი, ვაჟა სირაძე ცრუობს, რომ დღეს, 26 ნოემბერს, გამთენიისას პარლამენტთან აქციის მონაწილეები წყლის ჭავლით არ დაუშლიათ. ეს კომენტარი მედიას მან აქციის წყლის ჭავლით დაშლიდან რამდენიმე საათში მისცა.

"პოლიციური ძალები გამოვიდა და აღნიშნული პირები ჩამოიყვანა რუსთაველის გამზირზე ყოველგვარი ძალადობის და სპეციალური საშუალების გამოყენების გარეშე, მათ შორის წყლის", — თქვა სირაძემ.

რეალურად, აქციის დაშლის დროს წყლის ჭავლით დასველდა არაერთი ადამიანი და დაშავდა რამდენიმე ადამიანი. გარდა ამისა, აქციის დაშლის დროს დააკავეს 28 ადამიანი.