პრემიერმინისტრმა, გიორგი კვირიკაშვილმა დღეს გამართულ მთავრობის სხდომაზე განაცხადა, რომ წლევანდელ რთველში მონაწილეობა 179-მა კომპანიამ მიიღო და 100 ათას ტონაზე მეტი ყურძენი გადამუშავდა:

"კახეთის მოსახლეობის შემოსავალმა 97 მლნ ლარზე მეტი შეადგინა. რაჭა-ლეჩხუმში 24-მა კომპანიამ მიიღო მონაწილეობა და 500 ტონაზე მეტი ყურძენი გადამუშავდა. რაჭის მოსახლეობის შემოსავალმა რთველი პერიოდში 2,5 მილიონ ლარზე მეტი შეადგინა. მნიშვნელოვანია, რომ ჩვენ შევქმენით თვისობრივად განსხვავებული სუბსიდირების და აგროსესხების პროგრამა, რომლის დანერგვითაც სახელმწიფომ სწორი სტიმულირება მოახდინა მეღვინეობა-მევენახეობის მიმართულებით. ქართული ღვინის ექსპორტი უპრეცედენტოდ მაღალი სისწრაფით იზრდება".