დალასში გამართულ აუქციონზე 1939 წელს გამოსული მარველის პირველი კომიქსი რეკორდულ ფასად, 1,26 მილიონ დოლარად გაიყიდა.

Marvel Comics No. 1-ში მკითხველი პირველად შეხვდა ნეიმორსა (Sub-Mariner) და ადამიან ჩირაღდანს (Human Torch). ყდაზე გამოსახული ფასის მიხედვით, კომიქსის ღირებულება იმ დროს 10 ცენტს შეადგენდა.

ათწლეულების შემდეგ, მარველზე ადამიანი ობობას, ჰალკისა და სხვა ცნობილი სუპერგმირების დებიუტი შედგა, რომლებიც მალევე გამოჩნდნენ ბლოკბასტერებში.

აუქციონმა 1-და 10-მდე სკალის მიხედვით წიგნის მდგომარეობა 9,4-ით შეაფასა.

აქამდე მარველის კომიქსებს შორის რეკორდულ ფასად გაყიდული წიგნის ღირებულება 1,1 მილიონ დოლარს შეადგენდა. 1962 წელს გამოცემული კომიქსი პირველი იყო, სადაც ადამიანი ობობას პერსონაჟი გამოჩნდა.