ქართული ოცნების დეპუტატის, სიმონ ნოზაძის თქმით, 18 ნოემბერს აქციაზე დაკავებულების მიმართა არავითარი პოლიტიკურ დევნა არაა. მისივე განმარტებით, მოწმეების ბაზის შემთვევაში, საქმე შეიძლება სისხლის სამართლის მიმართულებით დაკვალიფიცირდეს.

"იმის მტკიცება, რომ აქ მტკიცებულებები არ ჰქონდათ და გაუმართლებლად მიუსაჯეს სასჯელები, მე არ მიმაჩნია სწორად იმიტომ, რომ ამ ქმედებების განხორციელება მთელი ქვეყნის თვალწინ ხდებოდა", — განაცხადა სიმონ ნოზაძემ.

18 ნოემბერს სპეცნაზმმა აქციის დაშლა და კარვების აყრა დაიწყო. სამართალდამცავებმა დემონსტრანტების წინააღმდეგ წყლის ჭავლი გამოიყენა. ამის შემდეგ ქართული ოცნების დეპუტატები პარლამენტში შევიდნენ და ბიუროს სხდომა გამართეს.

დაშლისას 37 ადამიანი დააკავეს. მოსამართლე ვალერიან ფილიშვილმადაკავებულებიდან 10 პირს, მათ შორის გიგა მაქარაშვილს, ზუკა ბერძენიშვილსა და ბექა ბასილაიას მოსამართლემ პატიმრობა შეუფარდა. გარდა ამისა, ერთ შენიშვნა დაეკისრა, ხოლო კიდევ ერთს 1 000-ლარიანი ჯარიმა. დანარჩენი 25 ადამიანი საქმე კი მოსამართლის მოუცლელობის გამო გაურკვეველი დროით გადაიდო.

აქცია თბილისის ქუჩებში მას შემდეგ იმართება, რაც ბიძინა ივანიშვილის დაპირება არ შესრულდა. მმართველმა პარტიამ ჩააგდო საკონსტიტუციო ცვლილებების პროექტი, რომლითაც ქვეყანაში 2020 წლის არჩევნები სრულად პროპორციული წესით უნდა ჩატარებულიყო. მმართველი პარტიის ამ გადაწყვეტილებამ ოპოზიციური პარტიები საერთო მოთხოვნის ირგვლივ გააერთიანა. მოთხოვნას იზიარებენ სამოქალაქო სექტორის წარმომადგენლები და მოძრაობა ქვეყნის სამსახურში.