სახელმწიფო უსაფრთხოების სამსახურის შესასვლელს მოძრაობა ძალა ერთობაშიას ლიდერმა, დავით ქაცარავამ ბოქლომი დაადო. დღეს, 20 ნოემბერს უკვე დაადეს ბოქლომი პროკურატურის შენობას. როგორც ჟურნალისტებს ქაცარავამ უთხრა, ის სუს-ის შენობასთან ოჯახთან ერთად მივიდა.

ადმინისტრაციულ შენობებზე ბოქლომის დადება მას შემდეგ დაიწყეს, რაც 17 ნოემბერს ოპოზიციურმა პარტიებმა და სამოქალაქო აქტივისტებმა პარლამენტის შენობის პიკეტი მოაწყვეს. ევროპულმა საქართველომ სიმბოლურად ბოქლომი დაადო საკანონმდებლო შენობის შესასვლელებს. აქტივისტები და ოპოზიციის წარმომადგენლები შენობაში დეპუტატებს არ უშვებდნენ.

ამასთანავე, 19 ნოემბერს პარლამენტის სხდომათა დარბაზის შესასვლელს სიმბოლური ბოლქომი დაადო რომან გოცირიძემ. მისი თქმით, აქ სხდომა არ ჩატარდება და ნაციონალური მოძრაობა სხდომებს არ დაესწრება.