ახალი პოლიტიკური ცენტრი გირჩის ლიდერი, ზურა ჯაფარიძე სამოქალაქო სექტორის იმ მიმართვას პასუხობს, რომლის თანახმადაც ოპოზიციურ პარტიებს მოუწოდეს, რომ არჩევნების მეორე ტურში მხარი ნაციონალურ მოძრაობას დაუჭირონ და ამბობს, რომ ამ მოწოდების პათოსს სრულად იზიარებს:

"ჩემი აზრით, ნებისმიერი მოქალაქე უნდა მივიდეს და ხმა უნდა მისცეს იმას, რომ ერთ პარტიას ამ ქვეყანაში არ ჰქონდეს საკონსტიტუციო უმრავლესობა, გამომდინარე იქიდან, რა საფრთხეები ახლავს ამას და გამომდინარე იქიდან, რა ცუდი გამოცდილება გვაქვს წინა ხელისუფლების შემთხვევაში. მაგრამ პათოსს სრულად ვიზიარებ".

სამოქალაქო საზოგადოება 8 პოლიტიკურ სუბიექტს მოუწოდებს, რომ არჩევნების მეორე ტურში მხარი ოპოზიციის კანდიდატს დაუჭირონ, რადგან ქართული ოცნების მიერ საკონსტიტუციო უმრავლესობის მოპოვება საფრთხეს შეიცავს. მიმართვის ხელმომწერთა შორის არიან: ნინია კაკაბაძე, თამარ გურჩიანი, ლაშა ბუღაძე, გიორგი მშვენიერაძე, ნატა ფერაძე და სხვები.