სულ ცოტა ხნის წინ სატელევიზიო შოუების მაყურებლების ერთ-ერთი ყველაზე საყვარელი სერიალის, American Horror Story-ის მეცხრე სეზონის ბოლო ეპიზოდიც გამოვიდა.

1984 - ასე ჰქვია ამ ანთოლოგიის ჯერჯერობით ბოლო სეზონს, რომელმაც სერიალის ისტორიაში ერთ-ერთი ყველაზე მაღალ რეიტინგს მიაღწია და დადებითი შეფასებებიც დაიმსახურა.

მართალია, მეცხრე სეზონი დასრულდა, მაგრამ ეს სულაც არ არის ამ საყოველთაოდ ცნობილი სერიალის ფინალი: მეათე სეზონი უკვე დამტკიცებულია და მას 2020 წელს ვიხილავთ.

როგორც ცნობილია, სავარაუდოდ, სწორედ ამ სეზონით დასრულდება American Horror Story-ის ათწლიანი ისტორია. შესაბამისად, წინ აუცილებლად სანახავი შოუ გველოდება.

ცხრა სეზონიდან თითოეული სხვადასხვა თემატიკას მიეძღვნა: იქნება ეს სასტუმრო, აპოკალიფსი თუ კულტი. ამჟამად არ ვიცით, თუ რა იქნება მეათე სეზონის მთავარი სიუჟეტური ხაზი.

თუმცა სერიალის მთავარმა შემოქმედმა, რაიან მერფიმ ცოტა ხნის წინ ერთ-ერთ ინტერვიუში განაცხადა, რომ ცდილობს ფინალურ სეზონში "ფანების საყვარელი მსახიობები დააბრუნოს."

რა თქმა უნდა, ფანების საყვარელ მსახიობებს შორის პირველ რიგში სწორედ ჯესიკა ლენგი, სარა პოლსონი და ივან პეტერსი გვახსენდება.

რაიან მერფიმ უფრო კონკრეტული მინიშნებაც მოგვცა: "თუ პირველ სამ სეზონს გადაავლებთ თვალს, მაშინ მარტივად მიხვდებით, თუ ვინ შეიძლება დაბრუნდეს ახალ სეზონში."

მოკლედ, თუ American Horror Story გიყვართ, მაშინ მეტი დეტალის გაგება, ალბათ, აღარც გჭირდებათ, ისე დაელოდებით მოუთმენლად მეათე სეზონის გამოსვლას.