საქართველოს მეოთხე პრეზიდენტი, გიორგი მარგველაშვილი პარლამენტის წინ მიმდინარე აქციაზე მივიდა. მარგველაშვილი ამბობს, რომ საპროტესტო აქციის მოთხოვნებს მხარს უჭერს.

მარგველაშვილი TV პირველთან აცხადებს, რომ აქციაზე დგას ხალხი, ვინც ქართული დემოკრატია უნდა გაიტანოს და თუ ასე არ მოხდება, "ჩვენ დიქტატურაში გავიღვიძებთ".

მისივე თქმით, ის აქციაზე დგომას ბოლომდე აპირებს. ჟურნალისტის კითხვაზე, აპირებს თუ არა პოლიტიკაში დაბრუნებას, მან ასე უპასუხა:

"არ მინდა პოლიტიკაში მოსვლა, მაგრამ ვითარება დრამატულია. არ მინდა პოლიტიკაში მოსვლა, მაგრამ არ მინდა დიქტატურაში ცხოვრება".

2 საათზე მეტია რუსთაველის გამზირზე საპროტესტო აქცია მიმდინარეობს. აქციის მონაწილეები ქართული ოცნების მიერ პროპორციულ საარჩევნო სისტემაზე გადასვლის კანონპროექტის ჩაგდებას აპროტესტებენ.