გუშინ გვიან ღამით დაჭრილი ტრანსგენდერი ქალის ახლობლები დანაშაულისთვის კვალიფიკაციის შეცვლას ითხოვენ. მათი თქმით, დაზარალებულს ორი პირი სიძულვილის მოტივით დაესხა თავს.

როგორც მათ რუსთავი 2-ს განუცხადეს, დანაშაული დაჭრილის იდენტობას უკავშირდება, ხოლო ინციდენტი, რომელიც ორთაჭალის ავტოსადგურთან მოხდა, სათვალთვალო კამერითაა გადაღებული.

შეგახსენებთ, რომ ამ დროისთვის, ნაცემი ტრანსგენდერი ქალის მდგომარეობა ძალიან მძიმეა.

ქალთა ინიციატივების მხარდამჭერი ჯგუფის ადვოკატი ციალა რატიანი On.ge-სთან აცხადებს, რომ 32 წლის ტრანსგენდერ ადამიანს თავი გაუჩეჩქვეს და ყელი გამოჭრეს.

შინაგან საქმეთა სამინისტრო აცხადებს, რომ გამოძიება 19-108, გაზრახ მკვლელობის მცდელობის მუხლით დაიწყო.