ქალთა ინიციატივების მხარდამჭერი ჯგუფის ადვოკატი ციალა რატიანი On.ge-სთან საუბრისას ჰყვება, რომ ამ დროისთვის, ნაცემი ტრანსგენდერი ქალის მდგომარეობა ძალიან მძიმეა. მისი ინფორმაციით, დაზარალებული ორთაჭალაში, ნიუ ჰოსპიტალის კლინიკაში იმყოფება და დაზიანებები თავისა და ყელის არეში აქვს მიყენებული:

"32 წლის ტრანსგენდერ ადამიანს გაჩეჩქვილი აქვს თავი და ყელი აქვს გამოჭრილი. გუშინ, დაახლოებით საღამოს 9 საათზე მოხდა ინციდენტი და ნამდვილად ვერ დავადასტურებ ჰომფობიურ ნიადაგზე იყო თუ ტრანფობიურ ნიადაგზე, მაგრამ როგორც ადვოკატი, არ გამოვრიცხავ, ვინაიდან ძალიან მოწყვლადი ადამიანები არიან ისინი. ამჟამად ვამოწმებ დეტალებს, მინდა თვითმხილველები ვიპოვო და გამოვკითხო. მე იმედი მაქვს, სწრაფად გამოიძიებენ ამ საქმეს".

შინაგან საქმეთა სამინისტრო აცხადებს, რომ გამოძიება 19-108, გაზრახ მკვლელობის მცდელობის მუხლით დაიწყო. სამინისტრო დამატებით დეტალებზე ჯერჯერობით არ საუბრობს.