უზენაესი სასამართლოს მოსამართლეობის კანდიდატი, ნინო ქადაგიძე მიიჩნევს, რომ სასამართლო თავისუფალი იქნება, თუკი მინიმუმ ორჯერ შეიცვლება ხელისუფლების ორი შტო და მესამე დარჩება თავის ადგილზე მყარად.

"ამ შემთხვევაში თამამად შეგვიძლია ჩვენი მომავლის წინაშე განვაცხადოთ, რომ სასამართლო შედგა ქვეყანაში... სისტემაზე ზეწოლა არის თუ არა, ეს მარტივი არაა. მე პირადად მიმაჩნია, რომ დღესაც ვერ ვიტყვი, აბსოლუტურად არის თუ არა თავისუფალი", — ამბობს მოსამართლეობის კანდიდატი.

ნინო ქადაგიძე 2002-2012 წლებში იყო საქართველოს უზენაესი სასამართლოს მოსამართლე. 2013 წლის 17 ივნისიდან იგი თბილისის სააპელაციო სასამართლოს ადმინისტრაციულ საქმეთა პალატის მოსამართლეა.