მსახიობი ლეონარდო დიკაპრიო "ჩვენი დროის ლიდერი" უწოდებს გრეტა თუნბერგს იმ აქტივობებისთვის, რაც მან გააკეთა. მსახიობმა ინსტაგრამზე ერთად გადაღებული ფოტოც გამოაქვეყნა.

დიკაპრიოს თქმით, შთამომავლობა განგვსჯის იმისთვის, თუ რა გავაკეთეთ ჩვენ პლანეტის შესანარჩუნებლად:

"იმედი მაქვს, რომ გრეტას გზავნილი მსოფლიო ყველა ლიდერებისთვის გაღვიძების ზარია, რომ უმოქმედობის დრო დასრულდა".

გრეტა თუნბერგი კლიმატის ცვლილების აქტივიზმის მთავარ სახედ იქცა. 2018 წელს მან სტოკჰოლმში, პარლემენტის შენობასთან აქცია მოაწყო და უარი თქვა პარასკეობით სკოლაში სიარულზე, სანამ ხელისუფლება პარიზის შეთანხმების შესრულებას არ დაიწყებდა.

თუნბერგის აქციამ დიდი ყურადღება მიიპყრო და მას სხვა მოსწავლეებიც შეუერთდნენ. ამის შემდეგ მას ხშირად იწვევდნენ კონფერენციებსა და აქციებში მონაწილეობისთვის. ის მშვიდობის დარგში ნობელის პრემიაზეც წარადგინეს.