ჯერ კიდევ 2017 წელს სატელევიზიო ინდუსტრიის გიგანტმა კომპანიამ, Netflix-მა დააანონსა, რომ ფენტეზის ჟანრის საკულტო წიგნების სერიის - The Witcher - მიხედვით ახალ სერიალს გადაიღებდა.

მას შემდეგ სერიალის ხილვას უამრავი გულშემატკივარი ელოდება, თუმცა არიან ისეთებიც, რომლებიც ამ პროექტს სკეპტიკურად უყურებენ და ეჭვი აქვთ, რომ ნეტფლიქსი ვერ მოახერხებს ცნობილი პოლონელი მწერლის, ანდრეი საპკოვსკის გასაოცარი სამყარო ეკრანებზე სათანადოდ გააცოცხლოს.

საოცრად შთამბეჭდავი და დაძაბული სცენებით სავსე სერიალის ახალი ტრეილერი სწორედ ამ ეჭვების გასაფანტად გამოაქვეყნეს:

ახალი ტრეილერი მთავარი გმირის, ურჩხულებზე მონადირე გერალტის ირგვლივ განვითარებული მოვლენების შესახებ მოგვითხრობს, რომლის როლსაც ცნობილი მსახიობი, ჰენრი კავილი ასრულებს.

აქამდე მაყურებლებისთვის ცნობილი არ იყო სერიალის პრემიერის ზუსტი თარიღი, ახალი ტრეილერის გამოსვლასთან ერთად კი ნეტფლიქსმა ოფიციალური თარიღიც გვამცნო - 20 დეკემბერი.