ცაგერისა და ლენტეხის მიტროპოლიტმა სტეფანემ განაცხადა, რომ სინოდის სხდომაზე დაპირისპირება მოხდა. მისი თქმით, როდესაც სინოდმა მეუფე პეტრეს გადაყენების განჩინება მიიღო, პეტრე "ისტერიკაში ჩავარდა, მივარდა პატრიარქს და დაუწყო თითების ქნევა".

მეუფე სტეფანე ამბობს, რომ მეუფე პეტრე "უაზრობებს ყვიროდა" და პატრიარქთან მისვლისთანავე მას წინ ჩაუდგნენ სხვა მღვდელმთავრები.

სინოდის სხდომის დასრულების შემდეგ მეუფე პეტრემ განაცხადა, რომ ეკლესიაში მამათმავლობის ცოდვის მხილების გამო ილია მეორემ მღვდელმთავრობიდან გადააყენა. მოგვიანებით კი აღნიშნა, რომ თავად პატრიარქია "პიდარასტიისა და მამათმავლობის ცოდვით შეპყრობილი".

მეუფეპეტრემ განმარტა, რომ სიტყვა "პიდარასტიაში" "ჭაბუკის გამხრწნელი" იგულისხმა. მისი თქმით, ეს საეკლესიო ტერმინია და სხვას ვერაფერს დაარქმევს.

მასალაში გამოყენებული მეუფე პეტრეს შეფასება გამოხატულია ჰომოფობიური სიტყვებით, თუმცა მაღალი საჯარო ინტერესიდან გამომდინარე On.ge მის სიტყვებს უცვლელად გთავაზობთ.