ქართულ-შვედურმა ფილმმა And Then We Danced ჩიკაგოს 55-ე საერთაშორისო კინოფესტივალზე საუკეთესო უცხოენოვანი ფილმის ნომინაციაში გაიმარჯვა.

ჩიკაგოს საერთაშორისო კინოფესტივალი 1964 წლიდან ტარდება და ერთ-ერთი ყველაზე გავლენიანი ფესტივალია ჩრდილოეთ ამერიკის კონტინენტზე.

სწორედ ამ ფესტივალზე წარმოშობით ქართველი რეჟისორის, ლევან აკინის კინოსურათს გადაეცა ერთ-ერთი მთავარი ჯილდო, როგორც წლევანდელი ფესტივალის საუკეთესო უცხოენოვან ფილმის.

ეს And Then We Danced-ის პირველი წარმატება არ არის და ის მანამდე უკვე რამდენიმე მნიშვნელოვანი ფესტივალის ფავორიტიც გახდა. ამავდროულად კი ფილმი წელს შვედეთის სახელით ოსკარების დაჯილდოებაზეც იბრძვის საუკეთესო უცხოენოვანი ფილმის პრიზის მოსაპოვებლად.

ასევე იხილეთ: