მსახიობ ლევან გელბახიანს ფილმ And Then We Danced-ში შესრულებული როლისთვის სარაევოს კინოფესტივალზე საუკეთესო კაცი მსახიობის ჯილდო გადასცეს. გელბახიანი წარმოშობით ქართველი, შვედი რეჟისორის, ლევან აკინის მხატვრულ ფილმში, And Then We Danced-ში მთავარი გმირის როლს ასახიერებს.

ფოტო: And Then We Danced / Facebook

ფოტო: And Then We Danced / Facebook

And Then We Danced გეი სიყვარულზე გადაღებული ქართულ-შვედური მხატვრული ფილმია, რომლის პრემიერაც 16 მაისს კანის რიგით 72-ე კინოფესტივალზე გაიმართა. ფილმი კანის კინოფესტივალის Director’s Fortnight სექციაში, 25 ფილმს შორის მოხვდა.

კინოსურათმა დიდი მოწონება დაიმსახურა, რის შემდეგაც ის კანის საუკეთესო ფილმების ათეულში შევიდა. მან ისეთი რეჟისორების ფილმებს გადაუსწრო, როგორებიც არიან კენ ლოუჩი და კვენტინ ტარანტინო.

ფილმში მთავარ როლებს ქართველი მსახიობები ლევან გელბახიანი, ანა ჯავახიშვილი, გიორგი წერეთელი, თამარ ბუხნიკაშვილი, ბაჩი ვალიშვილი და მარიკა გოგიჩაიშვილი ასრულებენ.

ამავე თემაზე: