წარმატებული ქართულ-შვედური სურათი And Then We Danced, რომელიც გეი სიყვარულზეა, ბერგენის საერთაშორისო კინოფესტივალს (BIFF) გახსნის. ამის შესახებ ინფორმაცია ფილმის ინსტაგრამზე გამოქვეყნდა:

"ფილმს, და ჩვენ ვიცეკვეთ, ექნება პატივი გახსნას ბერგენის საერთაშორისო მე-20, საიუბილეო კინოფესტივალი, რომელიც 25 სექტემბერს დაიწყება".

როგორც ფესტივალის მენეჯერი ამბობს, ფილმი ადამიანების ყოველდღიური ცხოვრების რეალურ პრობლემებზეა და სწორედ ასეთი ფილმები ეხმარება BIFF-ს იდენტობის ჩამოყალიბებაში.

მხატვრული ფილმის პრემიერა 16 მაისს კანის რიგით 72-ე კინოფესტივალზე გაიმართა დაDirector’s Fortnight სექციაში 25 ფილმს შორის მოხვდა. პირველი ქართული სასიყვარულო გეი დრამის რეჟისორი ლევან აკინია, რომელიც წარმოშობით საქართველოდანაა.

ფილმი შესაძლოა შვედეთმა ოსკარზე გაგზავნოს. შვედეთის კინო ინსტიტუტის საბოლოო არჩევანი 28 აგვისტოს გახდება ცნობილი.

ბერგენის საერთაშორისო კინოფესტივალი ნორვეგიაში 2000 წლიდან იმართება და ქვეყანაში ერთ-ერთ ყველაზე მნიშვნელოვან კინომოვლენად ითვლება.