კომპანია პროსერვისი აცხადებს, რომ 28 ოქტომბერს მასშტაბური კიბერთავდასხმის ძირითადი მიზეზი დაადგინა, თუმცა გამოძიების ინტერესებიდან გამომდინარე ჯერ არ ამხელს. როგორც პროსერვისში ამბობენ, თავდასხმა ქვეყნის მასშტაბით რამდენიმე კომპანიაზე განხორციელდა და ერთ-ერთი ადრესატი მათ მფლობელობაში არსებული სასერვერო გახდა.

"29 ოქტომბრის ღამის 3 საათზე უკვე აღდგენილი იყო პროსერვისის ჰოსტინგზე არსებული ყველა საიტი. ჰოსტინგ კომპანია ამ ეტაპზე უწყვეტ რეჟიმში აგრძელებს მუშაობს. ამ ეტაპისთვის კომპანია აგრძელებს მუშაობს შინაგან საქმეთა სამინისტროს კიბერუსაფრთოხების დეპარტამენტთან", — ნათქვამია პროსერვისის განცხადებაში.

28 ოქტომბერს ათასობით ვებგვერდზე დაჰაკვის შედეგად გამოჩნდა საქართველოს მესამე პრეზიდენტის, მიხეილ სააკაშვილის ფოტო, რომელსაც ჰქონდა წარწერა: I ll be back (მე დავბრუნდები).

სხვადასხვა ქართულ ვებგვერდზე უნებართვო შეღწევისა და მონაცემების უნებართვო შეცვლის ფაქტზე გამოძიება სისხლის სამართლის კოდექსის 284-ე მუხლის პირველი ნაწილით და 286-ე მუხლის პირველი ნაწილით მიმდინარეობს.