უზენაესის მოსამართლეობის კანდიდატი და საკონსტიტუციო სასამართლოს ყოფილი მოსამართლე, ლალი ფაფიაშვილი ამბობს, რომ ფეისბუქის დახურულ ჯგუფში ლექტორის შეურაცხმყოფელი პოსტი წვრილმანი ხულიგნობა არაა. აღნიშნულთან დაკავშირებით მან პარლამენტში დეპუტატმა, ნინო წილოსანმა ჰკითხა. ფაფიაშვილის ამბობს, რომ გამოხატვის თავისუფლება გამოხატვის თავისუფლებითვე უნდა იყოს დაბალანსებული:

"თუკი მე არ მომწონს, ვიღაცამ რაც თქვა ჩემზე, ამის საუკეთესო საშუალებაა, თუ ეს ადამიანი მოსამართლე არაა, ამისი შეპასუხება, განმარტების მიცემა იმ საკითხებზე, რაზეც საუბარია. გამოხატვის თავისუფლების შეზღუდვა სისხლის სამართლებრივად ან ადმინისტრაციულ სამართალწარმოების ფარგლებში, მე არ მიმაჩნია გამართლებურად".

მიმდინარე წლის სექტემბერში ფეისბუკის დახურულ ჯგუფში ლექტორის, გიორგი გორაშვილის შეგინებისა და მასზე გამოქვეყნებული მიმის გამო სტუდენტი, ბუბა ნაჭყებია სასამართლომ ადმინისტრაციულ სამართალდამრღვევად ცნო. ნაჭყებიას მიერ გამოქვეყნებულ მიმში, გიორგი გორაშვილი ბოდიბილდერ ქალთან ერთადაა გამოსახული, ბუბა ნაჭყებიამ დააწერა "როცა ცოლზე ვერ იძალადებ".

აღნიშნულის გამო ლექტორმა სტუდენტს სასამართლოში უჩივლა და მის ადმინისტრაციულ სამართალდამრღვევად ცნობას ითხოვდა წვრილმანი ხულიგნობის მუხლით, სახდელის დაკისრების გარეშე, რაც პირველი ინსტანციის სასამართლომ გაიზიარა.

ამავე თემაზე: