სენატორი ჯონ მაკკეინი, რომელიც 2008 წელს თავადაც იყო დასახელებული რესპუბლიკელების საპრეზიდენტო კანდიდატად, აცხადებს, რომ დონალდ ტრამპს აღარ უჭერს მხარს.

მაკკეინი ტრამპს მხარდაჭერას უცხადებდა მას შემდეგაც კი, რაც 2016 წლის საპრეზიდენტო არჩევნების რესპუბლიკელმა კანდიდატმა მას "ომის პატიმარი" უწოდა.

"მე მსურდა, რომ ჩვენი პარტიის მიერ დასახელებული კანდიდატისთვის მხარი დამეჭირა, მიუხედავად იმისა, რომ ის ჩემი რჩეული არასდროს ყოფილა. თუმცა, როგორც ამ პარტიის მიერ წლების წინ რჩეული, ვფიქრობდი, რომ მნიშველოვანი იყო ჩვენი დელეგატების არჩევანის პატივისცემა, და მივიჩნევდი, რომ ვალდებულიც კი ვიყავი, მისთვის მხარდაჭერა გამომეცხადებინა.

თუმცა მის შესახებ გავრცელებული ბოლო ცნობები შეუძლებელს ხდის მას ისევ დავუჭირო მხარი".

7 ოქტომბერს გავრცელდა ჩანაწერი, რომელშიც 2005 წელს ტრამპი NBC-ის ახლანდელ წამყვანთან ერთად ქალებზე დისკრიმინაციული ლექსიკით საუბრობს: "მათთვის ყველაფრის გაკეთება შეიძლება".