25 სექტემბერს პარიზში კარლ ლაგერფელდის საპატივსაცემოდ წვეულება მოეწყო, რომელსაც პოპულარული მოდელები იყვნენ მიწვეულნი. მათ შორის იყვნენ ჯიჯი ჰადიდი, კარლი კლოსი და კაია გერბერი.

როგორც აღმოჩნდა, კაია წვეულებაზე გიორგი ქებურიას კაბით მივიდა. ახალგაზრდა ქართველი დიზაინერის აქსესუარებითა და კოსტიუმებით ხშირად ჩდებიან კარდაშიანები, ჯენერები, ჰადიდები, ლედი გაგა და სხვა ცნობილი ვარსკვლავები.

სინდი კროუფორდის შვილის შერჩეული პატარა შავი კაბის მიღმა სახალისო ისტორია დიზაინერმა საკუთარ ფეისბუქზე გაიხსენა.

ქებურიას თქმით, კაბა ზაფხულში იქმნებოდა და ღილებზე გადასაკრავი ქსოვილი დააკლდა. მისი სიტყვებით, მთელი თბილისის მოვლის შემდეგ სასურველ ფერს მარჯანიშვილზე, ქსოვილების მაღაზიაში მიაგნო:

"ვხედავ ამ ქსოვილს, მომიჭერით ეს ქსოვილი ერთი მეტრი მინდა-მეთქი, მიყურებს ორი ცოტა "ჩიტმა წაიღო!?" ქალი და თან არ მისმენენ, ჯერ მაკვირდებიან. იცით ეგ ქსოვილი რა ღირს? რად გინდათ? რა უნდა გააკეთოთ მაგ ქსოვილისგან? დიზაინერი ხართ? მერე რამოდენიმე ჩემი კოლეგა მიხსენეს თან ყვებიან ჩემს გასაგონად რაღაც უდონო ისტორიებს, როგორ დამამცირონ აღარ იციან, ამხედავენ, ჩამხედავენ, ვდგავარ გაყინული ნერვებით და ამ ერთ მეტრს ველოდები რომელსაც არავინ მიჭრის, თან მეშინია ხმის ამოღებით ან დაჩქარებით უფრო არ გავანაწყენო, ძალიან მეჩქარება და საერთოდ უნაჭროდ არ დავრჩე".

კაია გერბერი კარლ ლაგერფილდისთვის მიძღვნილ საღამოზე. 25 სექტემბერი, პარიზი.

კაია გერბერი კარლ ლაგერფილდისთვის მიძღვნილ საღამოზე. 25 სექტემბერი, პარიზი.

საბოლოოდ, კონსულტანტებს გაახსენდათ, რისთვისაც უცდიდათ საკმაოდ წარმატებული დიზაინერი, რომელიც მათ ვერ იცნეს და ქსოვილი, რომელსაც ნოეს ნაჭერს ეძახდნენ, მეორე სართულიდან ჩამოუტანეს:

"ძლივს ჩამოათრია ეს ერთი მეტრი და პარკში სანამ ჩამიდებდა ისევ დამამცირებელი ტონით და მზერით მეუბნება: ამ ქსოვილისგან ჯანეტ ქერდიყოშვილმა საქორწილო კაბა შეიკერა და აბა შენ იცი, შე საწყალოო. ხოდა კაია გერბერს კაბა რო ეცვა ჯანეტ ქერდიყოშვილის საქორწილო კაბის ნაჭრის ღილები ქონდა ცოტა იგავ-არაკი არ არი?"

როგორც დიზაინერის ინსტაგრამიდან ვიგებთ, კაბა 20 აგვისტოს უკვე მზად იყო.

View this post on Instagram

🧵🌿

A post shared by ᴳᴱᴼᴿᴳᴱ ᴷᴱᴮᵁᴿᴵᴬ (@georgekeburia) on

თუ გიორგი ქებურიას შესახებ თქვენც არ გსმენიათ, ამ ამბებს გადახედეთ: