მსახიობების სია — ვინ ითამაშებს მატრიცის ახალ ფილმში?

სულ ცოტა ხანია, რაც უკვე ოფიციალურად ვიცით, რომ მატრიცის მეოთხე ნაწილი მზის სინათლეს მალე იხილავს.

მატრიცის სახელით ცნობილი სამეცნიერო ფანტასტიკის ჟანრის ტრილოგია ლანა და ლილი ვაჩოვსკებმა გადაიღეს და ამ ფილმებს კინოს ისტორიაში დღემდე გამორჩეული ადგილი უჭირავს თავისი მნიშვნელოვანი ფილოსოფიური და პოლიტიკური გზავნილების გამო.

2003 წელს უკანასკნელი ნაწილის გამოსვლის შემდეგ ერთგულ მაყურებლებს სიახლის მოლოდინში უკვე იმედი ჰქონდათ გადაწურული, თუმცა ლანა ვაჩოვსკიმ დაადასტურა, რომ ის ახალ ფილმს გადაიღებდა. თანაც სცენარის შექმნაზე მასთან ერთად ცნობილი მწერლები - ალეკსანდერ ჰემონი და დევიდ მიჩელი იმუშავებენ.

ფილმის გადაღებები 2020 წელს იწყება, მისი პრემიერა კი, სავარაუდოდ, 2022 წელს შედგება.

მანამდე კი შეგვიძლია იმ მსახიობების ნაწილს გავეცნოთ, რომელთაც მატრიცის მეოთხე ნაწილში ვიხილავთ:

კიანუ რივზი

მატრიცის ახალ ნაწილზე მუშაობის დაწყების დაანონსებისას ყველამ მაშინვე ის იკითხა, ვიხილავდით თუ არა მასში კიანუ რივზს, თუმცა აბა მატრიცა რა იქნებოდა ნეოს გარეშე?

კერი ენ მოსი

არა მარტო ნეო, ტრინიტიც ბრუნდება ეკრანებზე.

ჯადა პინკეტ სმიტი

ნაცნობ სახეებს ჯადა პინკეტ სმიტიც შეურთდა, რომელსაც ნიობის როლით იცნობს მაყურებელი.

იაია აბდულ-მატინი

აი, პირველი ახალი სახეც: იაია აბდულ-მატინი აქამდე შესაძლოა მხევლის წიგნში ან შავ სარკეში გინახავთ.

ნილ პატრიკ ჰარისი

მატრიცასთან ერთად How I Met Your Mother-ც თუ გიყვართ, მაშინ თქვენთვის განსაკუთრებული სიახლე გვაქვს: ნილ პატრიკ ჰარისი ლანა ვაჩოვსკის გუნდს შემოუერთდა.

ასევე იხილეთ:

მატრიცა 4 — ლანა ვაჩოვსკი კიანუ რივზს და კერი ენ მოსს ეკრანზე აბრუნებს

ბოლო ამბები:

გირჩევთ