პატრიოტთა ალიანსის დეპუტატი მმართველ პარტიას, ქართულ ოცნებას რევოლუციით ემუქრება. ინაშვილის თქმით, თუ ახდება ირაკლი კობახიძის პროგნოზი, რომლის მიხედვით 2020 წელს ხმების 60 პროცენტს ქართული ოცნება 20 პროცენტს კი ოპოზიცია მიიღებს, ეს ნიშნავს, რომ არჩევნები გაყალბდება.

"ვეუბნები ქართულ ოცნებას, მის მმართველ ელიტას და ცალკეულ ლიდერებს რომ ბატონებო, თუ თქვენ გაბედავთ და 2020 წლის არჩევნებში დაიწერთ 60 პროცენტს, დავუწერთ 20 პროცენტს სააკაშვილის და ბოკერიას პოლიტიკურ ჯგუფებს, ჩვენ, საქართველოს პატრიოტები, ქართველ ხალხთან ერთად მოგიწყობთ ნამდვილ რევოლუციას. ამას სრული პასუხისმგებლობით ვაცხადებ. ეს არ იქნება ის საპროტესტო აქციები, რასაც "ქართულ ოცნებასთან" შეხმატკბილებული და კოჰაბიტირებული ბოკერია-სააკაშვილის ჯგუფები უწყობენ ხოლმე ქართულ ოცნებას, ეს იქნება ნამდვილი რევოლუცია და ნამდვილი პროტესტი, ნამდვილი რეაქცია ქართველი ხალხის, იმ შედეგებზე, რომელსაც წინასწარ ასაჯაროებს ბატონი კობახიძე", — თქვა ირმა ინაშვილმა პარლამენტში გამართულ ბრიფინგზე.