ქართული ოცნების დეპუტატი, ელექსანდრე ერქვანია აბორტს სიკვდილის დასჯას ადარებს და ფიქრობს, რომ მსგავსი კანონმდებლობა ცინიზმია, რადგან სახელმწიფო მშობლებს შვილების მკვლელობის უფლებას აძლევს.

"ცინიზმია, ქვეყნაში მთავარ პრიორიტეტად ადამიანი და მასზე მზრუნველობა იყოს გაცხადებული და მშვიდად ვუყურებდეთ ასიათასობით მუცლადმყოფი ბავშვის დაღვრილ სისხლს", — თქვა ალექსანდრე ექვანიამ.

ალექსანდე ერქვანიას აზრით, მუცლად მყოფი ბავშვი ჩასახვის მომენტიდან სრულყოფილი ადამიანია. მისი თქმით, საქართველო დემოგრაფიული კატასტროფის წინაშეა და მსგავსი მიდგომებით ვერ განვვითარდებით.

დეპუტატმა პარლამენტში ქალთა უფლებების შემლახველი განცხადებების გარდა, ჰომოფობიური და ქსენოფობიური მოსაზრებებიც გააჟღერა. მან მამათმავლობად მოიხსენია სექსუალური უმცირესობის წარმომადგენლები, საქართველოს მეზობელ, პარტნიორ ქვეყნებს კი ოკუპანტები უწოდა. პარლამენტის თავმჯდომარემ, ჰომოფობიური შინაარსის მიუხედავად დეპუტატს სიტყვა არ შეაწყვეტინა, დასრულების შემდეგ კი დარბაზში ტაშის ხმაც გაისმა.

დეპუტატი, ალექსანდრე ერქვანია მანამდე მხარს დაუჭირდა კანონპროექტს, რომლის მიხედვითაც დისკრიმინაციის შესახებ კანონიდან უნდა ამოიღონ სიტყვები "გენდერული იდენტობა" და "სექსუალური ორიენტაცია". ის პარლამენტში აბორტის აკრძალვის მოთხოვნით აქამდეც გამოსულა და მასვე უკავშირდება ინიციატივა, პარლამენტის ეზოში ეკლესიის აშენების შესახებ.