მუსიკოსმა მიხაილო თოდუამ საპატიმრო დაწესებულება დღეს, 11 ოქტომბერს დატოვა. როგორც მისმა ცოლმა, სალომე წივწივაძემ On.ge-ს უთხრა, თოდუას ელექტორსამაჯური ეკეთება.

პენიტენციურ სამსახურში On.ge-ს უთხრეს, რომ თოდუამ პატიმრობის შესაბამისი ვადის მოხდის შემდეგ ადგილობრივ საბჭოს მიმართა და დარჩენილი სასჯელის შინაპატიმრობით შეცვლა ითხოვა.

მიხეილ თოდუა (მიხაილო) 2013 წლის სექტემბერში 12 გრამი MDMA-სთვის დააკავეს და 9-წლიანი პატიმრობა მიუსაჯეს. მას საპროცესო შეთანხმება შესთავაზეს, თუმცა, 20 ათასი ლარის არქონის გამო სასჯელს საპატიმროში იხდიდა.

ციხეში ყოფნის პერიოდში თოდუა მუშაობას აგრძელებდა და რამდენიმე მუსიკალური ალბომი გამოუშვა.

ამავე თემაზე: