იაპონიის მეტეოროლოგიური სააგენტოს ცნობით, იაპონიის კუნძულ ჰონშუს ძლიერი ტაიფუნი უახლოვდება. საქართველოს საელჩო იაპონიაში იქ მყოფ საქართველოს მოქალაქეებს უსაფრთხოების ნორმების დაცვისაკენ მოუწოდებს. საელჩო მოქალაქეებს აფრთხილებს, თავი შეიკავონ 12-13 ოქტომბერს გარეთ გასვლისგან. საჭიროების შემთხვევაში უნდა დარეკონ ცხელ ხაზზე: +81 70 3180 5601

ტაიფუნი სახელად "ჰაგიბისი" ფილიპინებიდან ჩრდილოეთით და ჩრდილო აღმოსავლეთით, იაპონიის, კერძოდ, კუნძულ ჰონშუს მიმართულებით მოძრაობს. მეტეოროლოგების პროგნოზით 12 ოქტომბერს შუადღისას ქარის სიჩქარე 190კმ/სთ-ს მიაღწევს.