მთავარმა პროკურორმა და უზენაესი სასამართლეობის მოსამართლეობის კანდიდატმა შალვა თადუმაძემ განაცხადა, რომ 20 ივნისს ფიზიკურად დაზარალებულებს შესაბამისი სტანდარტის არარსებობის გამო არ მიენიჭათ დაზარალებულის სტატუსი. მან ეს დღეს, 9 ოქტომბერს პარლამენტში მოსმენაზე განმარტა.

დღევანდელ სხდომაზე, ევროპული საქართველოს დეპუტატის, ოთო კახიძის კითხვაზე, მიადგა თუ არა ფიზიკური ზიანი გიორგი სულაშვილს, რომელმაც 20 ივნისს თვალი დაკარგა, შალვა თადუმაძემ უპასუხა:

"გამოძიების საგანია, დანაშაული არსებობდა თუ არა და დანაშაულის ჩამდენისგან მიადგა თუ არა ფიზიკური ზიანი. სავარაუდო დაზარალებული არ არსებობს, როგორც კი იქნება შესაბამისი სტანდარტი, ამ ადამიანს მიენიჭება დაზარალებულის სტატუსი".