საქართველოში ვიზიტით მყოფმა გერმანიის პრეზიდენტმა, ფრანკ-ვალტერ შტაინმაიერმა განმარტა, რომ საქართველოში ის კონფლიქტის დარეგულირების შესახებ რაიმე ინიციატივით არ ჩამოსულა. ამის შესახებ მან დღეს, 7 ოქტომბერს "შტაინმაიერის ფორმულის" შესახებ საზოგადოებრივი მაუწყებლის ჟურნალისტის კითხვის პასუხად თქვა.

"მე სრულიად სხვა როლი მაქვს ამჯერად. რაც შეეხება შტაინმაიერის ფორმულას, 3 წლის წინ ეს უკვე იქნა შეთანხმებული მაღალ დონეზე უკრაინის რუსეთის და საფრანგეთის პრეზიდენტების მონაწილეობით. ეს არის ვიზიტი პოლიტიკურ წრეებთან, საქართველოს პრეზიდენტთან, პრემიერთან, რადგან გვაქვს შესაძლებლობა წავიდეთ ადმინისტრაციულ საზღვართან. ამჯერად ნამდვილად არ ჩამოვსულვარ კონკრეტული ინიციატივით თუ წინადადებით", — თქვა გერმანიის პრეზიდენტმა.

ამავე თემას უპასუხა საქართველოს პრეზიდენტმმა, სალომე ზურაბიშვილმაც, რომელმაც ასევე უარყო, რომ შტაინმაიერი რაიმე წინადადებებით ჩამოვიდა:

"ბატონი პრეზიდენტი ჩამოვიდა პრეზიდენტის რანგში და არა მატარებელი რაღაცა ფორმულების. ვისურვებდი, რომ ჩვენს სიტუაციასთან მიმართებით, ბევრი ადამიანი მუშაობდეს ფორმულაზე. ჩვენ თუ არ ვეძებეთ გამოსავალი, ვიქნები სტატუს კვოს მსხვერპლი".