ოდესმე გიფიქრიათ ტარგარიენებს ვალირიის ნაცვლად, სადმე კავკასიაში რომ ეცხოვრათ და შემდეგ საქართველოს მიწა დაეპყროთ? გიოცნებიათ, რომ სტარკების, ლანისტერების, ტირელების ან რომელიმე სხვა დიდებული გვარის წარმომადგენელი ყოფილიყავით? თუ ჯორჯ მარტინის საგასთან შემთხვევითი შეხება მაინც გქონიათ, ამ ფიქრებს ვერ გაექცეოდით.

მართალია დრაკონებს მწვანე კონცხზე არ დაუდიათ ბინა და არც მგელსაზარები იმალებოდნენ სვანეთის ტყეებში, მაგრამ ჩვენი ისტორია არანაკლებ მისტიკას და სისხლისმღვრელ შერკინებებს ინახავს. არც საგვარეული ომები, ძველისძველი ციხეები, სალოცავები და რელიგიები აკლდა საქართველოს. სავარაუდოდ, სწორედ ამან აფიქრებინა გრაფიკულ დიზაინერს ბექა აბრამიძეს საქართველოს ისტორია HBO-ის აწ უკვე ლეგენდარული სერიალის, Game Of Thrones-ის მოტივებზე ეჩვენებინა. ვიდეოს ნახვა შეგიძლიათ აქ.

ჩვენ კი გთავაზობთ განვიხილოთ დეტალები წარსულიდან, რომლებიც ბექამ ვიდეოში გააცოცხლა. შესავალ კადრში ქორბუდა ირმების, ქართული ჯვრის, ხარების და მწყემსის სიმბოლოები გვხვდება, რაც გვახვედრებს, რომ მოქმედება საქართველოში ვითარდება

ფოტო: კადრი ვიდეოდან / ბექა აბრამია

ფოტო: კადრი ვიდეოდან / ბექა აბრამია

შემდეგ კავკასიის მთებში გადაშლილ საქართველოს ვხედავთ ისევე, როგორც სერიალში ვესტეროსის კადრებით იწყებოდა თხრობა.

ფოტო: კადრი ვიდეოდან / ბექა აბრამია

მერე ქუთაისში ვინაცვლებთ და ბაგრატის ტაძარი ჩვენს თვალწინ შენდება.

ფოტო: კადრი ვიდეოდან / ბექა აბრამია

ფოტო: კადრი ვიდეოდან / ბექა აბრამია

ასევე, სვეტიცხოველი, რაბათის ციხე, ალავერდი, სამება და სხვა ისტორიული ძეგლები.

ფოტო: კადრი ვიდეოდან / ბექა აბრამია

ფოტო: კადრი ვიდეოდან / ბექა აბრამია

ჩრდილოეთისა და კედლის ფუნქცია ჩვენთან სვანეთმა და უშგულის კოშკებმა შეითავსა, რომელიც მართლა გვიცავს "კედლისმიღმა" მყოფი საფრთხისგან.

ფოტო: კადრი ვიდეოდან / ბექა აბრამია

ფოტო: კადრი ვიდეოდან / ბექა აბრამია

დასასრულს ცეცხლოვანი ბურთი, რომელიც სერიალში ძალისა და ცოდნის სიმბოლოა კიდევ ერთხელ გამოჩნდება საქართველოს კუთხეების ფონზე. მისი მოახლოებისას წმინდა გიორგის სიმბოლოს ვხედავთ.

ფოტო: კადრი ვიდეოდან / ბექა აბრამია

ფოტო: კადრი ვიდეოდან / ბექა აბრამია

ბოლოს კი ყველასთვის ნაცნობი Game Of Thrones-ის ნაცვლად, თიზერზე საქართველოს ისტორია იწერება, რომელსაც ტარგარიენების, სტარკების, ლანისტერების და ბარათეონების ლოგოები ამკობს.

ფოტო: კადრი ვიდეოდან / ბექა აბრამია

ამავე თემაზე: