პატრიოტთა ალიანსი ირწმუნება, რომ ბათუმში 77 ათასზე მეტი ადამიანი გამოკითხეს. პარტიის ლიდერმა, ირმა ინაშვილმა კვლევის მიგნებების პრეზენტაცია დღეს, 2 ოქტომბერს რამდენიმე ათასი ფურცლის ფონზე გამართა. გაჟღერებული მონაცემები თანხვედრაშია პარტიის პოზიციასთან.

მისი თქმით, გამოკითხვაში ერთ-ერთი საკითხი შეეხებოდა იმას, იყო თუ არა სააკაშვილ-ბოკერიას მმართველობის დანაშაულებრივი რეჟიმი. ინაშვილის გაჟღერებული მონაცემებით, ამ აზრს იზიარებს გამოკითხულთა 64 პროცენტი, 25 პროცენტი თავს იკავებს პასუხის გაცემისგან, 11 კი არ იზიარებს ამ აზრს.

პატრიოტთა ალიანსი მიიჩნევს, რომ ნაციონალური მოძრაობის ხელისუფლებაში ყოფნის პერიოდი სააკაშვილ-ბოკერიას დანაშაულებრივ რეჟიმად უნდა გამოცხადდეს. ამ მიზეზით პარტიამ პარლამენტში რეზოლუციაც წარადგინა, რომელიც ჩავარდა.