განახლება: აღნიშნული ნიუსი გამოქვეყნდა ცენტრალური საარჩევნო კომისიის შედეგების ვებგვერდზე გამოქვეყნებული დიაგრამის მიხედვით, სადაც პატრიოტთა ალიანსის პროცენტული მაჩვენებელი 4,99%–დან 5%–მდე განახლდა. თუმცა, როგორც გავარკვიეთ, პატრიოტთა ალიანსის მიერ მიღებული 88 032 ხმა არ არის ამომრჩევლის 5%. გაიგეთ მეტი.

ცენტრალურმა საარჩევნო კომისიამ უკვე დაითვალა ხმების 99,92%. განახლებული მონაცემებით, პატრიოტთა ალიანსს აქვს ხმების 5%, რაც პარლამენტში მოსახვედრად საკმარისია.

ცენტრალურ საარჩევნო კომისიას გამოსაქვეყნებელი დარჩა მხოლოდ 16 საარჩევნო უბნის მონაცემები.

ბოლო რამდენიმე საათის განმავლობაში პატრიოტთა ალიანსს ხმების 4,99% უფიქსირდებოდა, რაც არ იყო საკმარისი პარლამენტში მოსახვედრად. შესაბამისად, მოლოდინი შედეგების განახლების მიმართ, მაღალი იყო.

უახლესი მონაცემების მიხედვით, პარლამენტში სამი პარტია შედის:

  • ქართული ოცნება – 46,6%;
  • ნაციონალური მოძრაობა – 27,14%;
  • პატრიოტთა ალიანსი – 5%;