"მალე, ალბათ, ჩემი 9-წლიანი მმართველობის მსხვერპლად გამოაცხადებს თავს", — ეს არის ის მოკლე კომენტარი, რომელიც ევროპული საქართველოს ლიდერმა, გიგა ბოკერიამ საქართველოს ყოფილ პრეზიდენტის, მიხეილ სააკაშვილის ნათქვამზე პასუხის გაცემის დროს თქვა. სააკაშვილმა ის "ტრადიციული, ქართული, ქრისტიანული ფასეულობებისგან დისტანცირებაში" დაადანაშაულა.

"ისე, ხუმრობის გარეშე, ვარდების რევოლუციის როგორც დიდი მიღწევების, ისე მძიმე ჩავარდნების მემკვიდრე დღეს არის ევროპული საქართველო, ჩვენი პოლიტიკური გუნდი და არა სააკაშვილის ნაციონალური მოძრაობა", — თქვა გიგა ბოკერიამ.

მიხეილ სააკაშვილმა ყოფილ თანაგუნდელი გუშინ, 29 სექტემბერს გადაცემა მთავარ აქცენტებში გააკრიტიკა.

"ბოკერიას ჰქონდა მთელი ეს წლები განსაკუთრებულად ცინიკური დამოკიდებულება ქართული ტრადიციებისა და ფასეულობების მიმართ. ჩვენი ფასეულობები, რომელიც ჩვენთვის არის უძვირფასესი... ბოკერია არის ყველაფერი, პრინციპში, რაც არის ქართული ტრადიციების წინააღმდეგ", — თქვა სააკაშვილმა.