რუსეთში გადაუდებელ სიტუაციების სამსახურის სამინისტროს გადაწყვეტილებით, საცხოვრებელი სახლების აივნებზე მოწევა აიკრძალა.

ახალი კანონით, "ღია ცეცხლი" აკრძალულია ბინის აივნებზე, ასევე საერთო საცხოვრებლებში და სასტუმროებში.

ოფიციალური პირების გადაწყვეტილებით, სანთებელის, ასანთის ცეცხლი და მოწევა "ღია ცეცხლად" არის კლასიფიცირებული და ხანძრის რისკებს აჩენს. აივნებზე ასევე აიკრძალა მწვადის შეწვა და სანთლების ანთება.

კანონის დარღვევის შემთხვევაში, მოქალაქე 3 000 რუბლს ან მეტს გადაიხდის ჯარიმის სახით, რაც 47 დოლარის ეკვივალენტია. კანონი ძალაში პირველ ოქტომბერს შედის.

ინტერნეტში კანონის ადგილობრივი გამკრიტიკებლები გამოჩნდნენ. "მთავრობა ადამიანებს საკუთარ საცხოვრებელში უზღუდავს თავისუფლებას". "რისთვისაა საჭირო აივანი, თუ იქ ვერ მოწევ?" "ამისთვის ვუხდით მთავრობას მილიარდობით რუბლს?"