ნაციონალური მოძრაობის თავმჯდომარე, გრიგოლ ვაშაძე ამბობს, რომ მათი ლიდერის, მიხეილ სააკაშვილის ნათქვამი პარტიის პოზიციად არ უნდა აღიქმებოდეს. ამის შესახებ მან გადაცემა ღამის მთავარში ისაუბრა.

გადაცემის წამყვანის, ეკა კვესიტაძის კითხვას, შეიძლება თუ არა სააკაშვილის მიერ Facebook-ზე გაკეთებული განცხადება აღიქმებოდეს პარტიის პოზიციად, გრიგოლ ვაშაძემ ასე უპასუხა:

"ყველა ადამიანს აქვს თავისი აზრის გამოთქმის საშუალება. მაგრამ როდესაც პროგრამა ჩამოყალიბდება ერთ მელოდიაზე ვიმღერებთ... საქართველოს მესამე პრეზიდენტს ვერავინ ვერ შეუზღუდავს უფლებას ჰქონდეს თავის აზრი და ეს აზრი გამოთქვას საქართველოში მიმდინარე მოვლენებზე... პარტიას როცა დასჭირდება, გააკეთებს განცხადებას".

გრიგოლ ვაშაძემ გასული წლის ნოემბერში, საპრეზიდენტო არჩევნებში დამარცხების შემდეგაც განაცხადა, რომ სააკაშვილის მოწოდება მხოლოდ ექსპრეზიდენტის აზრი იყო და არა პარტიის ან გაერთიანებული ოპოზიციის პოზიცია.