ჩვენმა მკითხველმა უკვე იცის, რომ 10 სექტემბერს, თბილისის დროით 21:00 საათზე ეფლმა თავის ახალ აიფონებთან ერთად, საზოგადოებას მობილური ოპერაციული სისტემის, iOS-ის განახლებული ვერსიაც წარუდგინა.

სწორედ ამ ვერსიაშია ინტეგრირებული განახლებული ქართული კლავიატურა, რომელიც არც მეტი, არც ნაკლები ქართველმა დიზაინერმა შექმნა.

"IOS 13-ში ახალი ქართული კლავიატურის დანახვით სიამაყით ვივსები, რადგან ის ჩემი დიზაინით არის შექმნილი ჯერ კიდევ 2015 წელს კომპანია Monotype-ში", — წერს ინსტაგრამის საკუთარ გვერდზე აკაკი რაზმაძე.

აღსანიშნავია, რომ ეფლი 2015 წლამდე ძირითად შრიფტად Helvetica-ს იყენებდა. მას შემდეგ კი კომპანიამ წარადგინა შრიფტი San francisco, თუმცა, ცვლილება ქართულ შრიფტს აქამდე არ შეხებია.