ქართველი დიზაინერის David snow-ს სათვალე არც მეტი, არც ნაკლები პოპულარულმა თინეიჯერმა მუსიკოსმა, ბილი აილიშმა ერთ-ერთ ღონისძიებაზე გაიკეთა — ამის შესახებ ინფორმაციას popmusic.ge ავრცელებს.

ამერიკელი ვარსკვლავი ქართველი დიზაინერის სათვალით რადიოსადგურ SiriusXM-ისა და დანიური საიუველირო კომპანია Pandora-სთვის ჰოლივუდში ექსკლუზიურად გამართულ კონცერტზე მივიდა.

David snow-ს აქსესუარი მომღერლის სტილისტმა, სამანტა ბერქჰართმა აღმოაჩინა მოდის რეალტორ TATA-LA-ს დახმარებით.

"ჩემი სათვალეები ამ ეტაპზე მხოლოდ ინტერნეტით იყიდება. ზუსტად მაგ დღეს, როდესაც ბილიმ ჩემი აქსეუარი გაიკეთა, გაეშვა საიტი, სადაც მათი გამოწერა უკვე მსოფლიოს მასშტაბითაა შესაძლებელი", — ამბობს დიზაინერი On.ge-სთან საუბრისას.