ფეისბუქისა და ინსტაგრამის სთორიში ქართველი მორაგბეების გიფები გამოჩნდა. IOS-ის და ანდროიდის მომხმარებლებს შეუძლიათ მსოფლიო თასზე ბორჯღალოსნების პირველი მატჩი "მათთან ერთად აღნიშნონ".

ფოტო: კადრები ფეისბუქის და ინსტაგრამის სთორიდან

ამისთვის საჭიროა ორივე აპლიკაციის სთორიში, გიფების საძიებო ველში დაწეროთ Georgia და შეარჩიოთ სასურველი მორაგბე.

ამ ეტაპზე უცნობია იდეის ავტორი რაგბის ფედერაციაა, თუ ნაკრების რომელიმე ოფიციალური პარტნიორი.

ბორჯღალოსნები პირველ შეხვედრას დღეს, 23 სექტემბერს უელსის ნაკრებთან გამართავენ. თამაში თბილისის დროით 14:15-ზე დაიწყება და მისი ნახვა საზოგადოებრივი მაუწყებლის პირდაპირ ეთერშია შესაძლებელი.