ადამიანებისთვის ძალიან მძიმე გადასატანია რომელიმე საუკეთესო მეგობრის დაკარგვა და რა თქმა უნდა, ასეთ დროს, იმავეს განიცდიან ძაღლებიც.

დღეს ჰარის ისტორიას მოგიყვებით, რომელმაც სულ რაღაც, ერთი წლის წინ საუკეთესო მეგობარი ჯორჯი დაკარგა. მთელი ამ დროის მანძილზე კი პატრონი ამჩნევდა, რომ ძაღლი ძალიან უცნაურად იქცეოდა.

ფოტო: Twitte / Caitlin Wynne

საქმე ის არის, რომ როდესაც ჯორჯი ცოცხალი იყო, ჰარი ყოველთვის მის გვერდით იძინებდა. მიუხედავად მეგობრის გარდაცვალებისა კი ცხოველს აზრადაც არ მოსვლია, რომ მისი ადგილი დაეკავებინა.

"ძალიან ვწუხვარ, რადგან ჰარი ჯორჯს ყოველთვის უთმობდა ლოგინს და მისი გარდაცვალების შემდეგაც ის კუთხეში წევს და მეგობრის ადგილზე არ იძინებს", — წერს ძაღლის პატრონი საკუთარ ტვიტერზე.

კეტლინი იმასაც აღნიშნავს, რომ ჯორჯი 7 წლის იყო, როდესაც ჰარი მოიყვანეს, რადგან ფიქრობდნენ, რომ მას მეგობარი სჭირდებოდა.

მიუხედავად იმისა, რომ ოჯახის ახალი წევრი უფრო მხიარული და ენერგიული აღმოჩნდა, ძაღლები ყოველთვის ახერხებდნენ მეგობრულ თანაცხოვრებას.

ოჯახი ახლა ცდილობს, რომ ჰარის ცხოვრება გაუხალისოს და საუკეთესო მეგობრის დაკარგვა ცოტათი მაინც შეუმსუბუქოს.