ჯონ ლენონის ბავშვობის სახლის მახლობლად არსებული ბაღი, Strawberry Fields, როგორც საზოგადოებრივი და ტურისტული სანახაობა პირველად წელს, 14 სექტემბერს გაიხსნა.

ბაღში სტუმრებს დახვდათ ვიზიტორების ცენტრი, კაფე და მაღაზია. ასევე ფანებისთვის წარმოდგენილი იქნება გამოფენა ჯონ ლენონის ადრეულ ცხოვრებასა და ბითლზზე. ლენონი ბავშვობიდან აღტაცებული იყო ამ ადგილით, უყვარდა ბაღში თამაში და ხშირად საკუთარი ფანჯრიდან აკვირდებოდა ხოლმე.

სწორედ ეს ადგილი გახდა ბითლზის სიმღერის, Strawberry Fields Forever-ის შთაგონების წყარო. აქამდე ბაღის სტუმრობის მსურველებს მხოლოდ მისი წითელი ჭიშკრისთვის შეეძლოთ თვალის შევლება.

როგორც BBC-სთან ლენონის და, ჯულია ბერდი ამბობს, ბავშვობაში ცნობილი მომღერალი და კომპოზიტორი ხშირად გადამძვრალა ბაღის ღობეზე და ეს მისი განსაკთურებული ადგილი იყო.

ასე გამოიყურება სულ ცოტა ხნის წინ გახსნილი "მარწყვის მინდვრები".

ფოტო: Peter Byrne - PA Images

ფოტო: Peter Byrne - PA Images

ფოტო: Peter Byrne - PA Images