დღეს, 13 სექტემბერს მთავრობის პირველ სხდომაზე პრემიერ-მინისტრმა გიორგი გახარიამ დისციპლინის მნიშვნელობაზე ისაუბრა. მისი თქმით, ეს გუნდის მუშაობის ერთ-ერთი მთავარი პრინციპი იქნება. ამავე სხდომაზე ცნობილი გახდა, რომ მის მთავრობაში ვიცე-პრემიერები იუსტიციის მინისტრი თეა წულუკიანი და ინფრასტრუქტურის მინისტრი მაია ცქიტიშვილი იქნებიან.

სხდომის შემდეგ ჟურნალისტებმა ცქიტიშვილს ჰკითხეს, თუ რატომ წამოწია პრემიერმა დისციპლინის საკითხი, ასევე გაჯღერდა კითხვა პოლიტიკაში ქალების როლზე. ცქიტიშვილმა კითხვები გააერთიანა და ორივეს ხუმრობით უპასუხა: "ხელს უწყობს დისციპლინას, მნიშვნელოვნად".

ახლადარჩეულმა პრემიერმა, გიორგი გახარიამ დღეს მთავრობის პირველი სხდომა გამართა. მან ისაუბრა ძირითად პრინციპებზეც, რომლითასც მისმა გუნდმა უნდა იხელმძღვანელოს. ესენია:

  1. საქმის დროული კეთება;
  2. საქმის ეფექტიანი კეთება;
  3. კეთილსინდისიერება;
  4. დისციპლინა;
  5. ღიაობა.