ჯერ კიდევ 1976 წლიდან დღემდე, Acer მუდმივად ცდილობდა ინოვაციური კომპიუტერული ტექნოლოგიებით დაემკვიდრებინა თავი ამ მუდმივად მზარდ და სწრაფად განვითარებად ინდუსტრიაში.

ბრენდის ხედვა მომავალზეა ორიენტირებული და მიმართულია ისეთი სამყაროს შექმნისკენ, სადაც ტექნოლოგიები, პროგრამული უზრუნველყოფა და სერვისები ერთმანეთთან იდეალურად იქნება შერწყმული იმისათვის, რომ აღმოაჩინოს ახალი შესაძლებლობები საკუთარი მომხმარებლისთვის.

კომპანიამ პრესკონფერენციაზე სახელწოდებით next@acer, რომელიც ბერლინში იმართება, მრავალი ინოვაციური პროდუქტი წარადგინა და საკუთარ მომხმარებლებს მომავლის ტექნოლოგიებისკენ კიდევ ერთი დიდი ნაბიჯი გადაადგმევინა.

მათთვის ვისთვისაც გამოსახულების ხარისხი და სისწრაფე მნიშვნელოვანია, კომპანია უკვე ნაცნობი ნოუთბუქების სერიას Concept D სთავაზობს, ამჯერად უკვე განახლებული NVIDIA Quadro სისტემის ვიდეო ბარათებით, რომელიც მომხმარებელს მძიმე გრაფიკული სამუშაოს შესრულებაში მაქსიმალურად სწრაფად დაეხმარება და რა თქმა უნდა, არ ექნება ცდომილება გამოსახულებაში. ეს კი იმას ნიშნავს, რომ განსაკუთრებით ისინი, ვინც კომპიუტერული გრაფიკის და ვიდე მონტაჟის მიმართულებით მუშაობენ, შეძლებენ, რომ მაქსიმალურად კომფორტულად, შეყოვნების და ზედმეტი დროის ხარჯვის გარეშე შეასრულონ სამუშაო.

ბრენდის მხრიდან კიდევ ერთი მნიშვნელოვანი ინოვაციაა პორტატული პროექტორი C250i, მრავალკუთხოვანი გამოსახულების პროექციის ფუნქციით და მსოფლიოში პირველად ავტოპორტრეტის რეჟიმით, რომელიც სმარტფონიდან მარტივად ახდენს გამოსახულების პროექციას ისე, რომ თქვენ არ დაგჭირდეთ ავტოპორტრეტის რეჟიმში კამერის და ეკრანის შემოტრიალება.

C250i LED პროექტორი საუკეთესო მახასიათებლებით არის აღჭურვილი, მათ შორის Full HD გამოსახულების ხარისხით, 5-საათიანი ელემენტით და უკაბელო დაერთების სისტემით.

Acer ასევე აანონსებს PL1 ტიპის ლაზერული პროექტორების სერიას, საიმედო, 24-საათიანი სამუშაო რეჟიმით.

მომხმარებლისთვის, ასევე, მნიშვნელოვანი სიახლეა ჩვენთვის უკვე ნაცნობი ულტრა თხელი და მსოფლიოში ყველაზე მსუბუქი, 990-გრამიანი განახლებული Acer Swift 5, სულ რაღაც 15სმ სისქით, 14-ინჩიანი ლეპტოპი, რომელიც აღჭურვილია მეათე თაობის ინტელის პროცესორით და დისკრეტული NVIDIA® GeForce® MX250 ტიპის ვიდეო ბარათით, რაც ნოუთბუქის მუშაობის სისწრაფეს და მაქსიმალურ წარმადობას უზრუნველყოფს.

#IFA2019 #NextAtAcer