17 წლის სუპერპოპულარულმა ამერიკელმა მომღერალმა, ბილი აილიშმა ახალი მუსიკალური ვიდეო-რგოლი გამოაქვეყნა სიმღერაზე All the Good Girls Go to Hell! [ყველა კარგი გოგო ჯოჯოხეთში მიდის]. კლიპის დასაწყისში მას ფრთები ეზრდება, ციდან ვარდება და ნავთობიან ჯოჯოხეთში ეცემა.

"ჩვენ გარშემო მილიონობით ადამიანია, რომელიც ქვეყნების ლიდერებისგან ყურადღებას ითხოვს. დედამიწის ტემპერატურა უპრეცედენტო მანიშნებლებს სცდება, ვეება ყინული დნება, ოკეანეები იზრდებიან, ველური სამყარო იწამლება და ტყეები იწვება", — ასე წარადგინა ბილიმ კლიპი ინსტაგრამ სთორიში და ფანებს კლიმატის ცვლილებების შესაჩერებლად მოქმედებისკენ მოუწოდა.