მაშინ, როდესაც ამ ოჯახში აღმოაჩინეს, რომ ბებიას კბილების პროთეზი დაიკარგა, ლუნაზე ეჭვი არავის მიუტანია.

ლუნა ერთი ბრაზილიელი, ძალიან იღბლიანი ძაღლია, რომელიც ჯერ კიდევ რამდენიმე თვის წინ ქუჩაში ცხოვრობდა. ანა კაროლინსა და მის საქმროს კი ის ერთი ნახვით შეუყვარდათ და გადაწყვიტეს, რომ მათი ოჯახის სრულუფლებიანი წევრი უნდა გამხდარიყო.

ფოტო: Anna Carolina Lima

ახალ სახლში ცხოველი კიდევ ერთ ადამიანს დაუმეგობრდა, ანას ბებიას, რომელთანაც დღის უმეტესი ნაწილის გატარება უწევდა.

ერთ დღესაც, ბებიამ თავისი კბილების პროთეზი დაკარგა — შუადღის ძილის შემდეგ ქალმა საკუთარი კბილები ვერსად ნახა, თუმცა, არც უფიქრია, რომ ამ ყველაფერში ლუნას თათი ერია.

ოჯახი რამდენიმე საათის განმავლობაში ეძებდა პროთეზს, ბოლოს კი აღმოაჩინეს, რომ ის არც მეტი, არც ნაკლები ძაღლს ჰქონია პირში გაჩრილი.

მართალია, ლუნას ასე გაცილებით ლამაზი ღიმილი ჰქონდა, თუმცა, ნაქურდალის დაბრუნება მაინც მოუწია. მის ამ ღიმილისმომგვრელ საქციელზე კი რა თქმა უნდა, არავინ გაბრაზებულა.