ამერიკის ქალაქ ნეშვილში, კათოლიკური სკოლის ბიბლიოთეკაში ჰარი პოტერის წიგნები აკრძალეს. გადაწყვეტილება პასტორს ეკუთვნის, რომელიც ამბობს, რომ ჯოან როულინგის ბესტსელერში გამოყენებულია "რეალური შელოცვები", რომლებიც ბოროტ სულებს იხმობს და მისი კითხვის დროს, ადამიანს საფრთხე ემუქრება.

ტენესის ადგილობრივი გაზეთის ცნობით, ეკლესიის წინამძღვარმა მშობლებს ელექტრონული ფოსტით წერილები გაუგზავნა და უთხრა, რომ წიგნები ბიბლიოთეკებიდან ეგზორცისტების რჩევის შემდეგ ამოიღეს:

"ამ წიგნებში წარმოდგენილია მაგია როგორც კარგი, ისე ბოროტი მხრიდან. წიგნში გამოყენებული წყევლა და შელოცვა რეალურია და მისი კითხვის დროს, მკითხველი ბოროტი სულების გამოძახების რისკის ქვეშაა".

1997-2007 წლებში გამოქვეყნებული წიგნების სერიაში გამოყენებულია წყევლის ისეთი სახელები, როგორიცაა ავადა კედავრა (მოკვლის წყევლა), კრუციო (წამება) და იმპერიო (მაკონტროლებელი შელოცვა).

ჰარი პოტერის წიგნებს ქრისტიანული სამყაროს ცენზურა გამოცემის დღიდან შეეხოთ, თუმცა წიგნების აკრძალვის შემთხვევები თანამედროვე სამყაროშიც ხდება. 2019 წლის გაზაფხულზე პოლონელმა მღვდლებმა ჰარი პოტერის წიგნები საჯაროდ დაწვეს