პოლონელმა მღვდლებმა ჰარი პოტერის წიგნები საჯაროდ დაწვეს

პოლონეთის ჩრდილოეთით, ქალაქ გდანსკში მოღვაწე კათოლიკე მღვდლებმა დაწვეს წიგნები, რომლებიც მათი აზრით მკრეხელურია. მათ შორის იყო ჯოან როულინგის ჰარი პოტერის წიგნები.

პროცესის ამსახველი სურათები ფეისბუქზე ევანგელისტურმა ჯგუფმა SMS from Heaven Foundation-მა [მესიჯი სამოთხიდან] გამოაქვეყნა.

"ჩვენ ვასრულებთ სიტყვას", - წერია პოსტის აღწერაში პოლონურად. მას თან ერთვის ფრაზები ბიბლიიდან, რომელიც მაგიასა და ჯადოქრობას კიცხავს.

ჯგუფის სახელი მისი დანიშნულებიდან გამომდინარეობს. ისინი ქრისტიანულ მესიჯებს მოკლეტექსტური შეტყობინებებით ავრცელებენ.

ჯოან როულინგის ჰარი პოტერი ფანტასიკური ჟანრის ყველაზე პოპულარული წიგნია. მსოფლიო მასშტაბით წიგნების 500 მილიონი ასლი გაიყიდა.

"მე არ მინახავს ადამიანი, რომელმაც ჰარი პოტერის სახელით ვინმე მოკლა, გაქურდა ან გააუპატიურა. თუმცა, მინახავს ის, ვინც ეს ბიბლიის სახელით ჩაიდინა. ცუდი ამბავია, ჯენტლმენებო", - წერს ერთ-ერთი კრიტიკოსი.

ბოლო ამბები:

გირჩევთ