პრეზიდენტი სალომე ზურაბიშვილის პრემიერ-მინისტრის პოსტიდან მამუკა ბახტაძის გადადგომასაც არ აფასებს. პოლონეთში ვიზიტით მყოფმა ზურაბიშვილმა განაცხადა, რომ გადადგომას არ აფასებენ და ეს გადაწყვეტილება ბახტაძის მიერ არის მიღებული.

მისივე თქმით, პრემიერის დანიშვნას უნდა დაველოდოთ და კიდევ ერთხელ აღნიშნა, რომ საზღვარგარეთ ყოფნისას პრეზიდენტები შიდაპოლიტიკურ საქმეებზე განცხადებებს არ აკეთებენ.

"უნდა ჩავიდე, გავიგო რა ვითარება არის, შემდეგ შეიძლება განცხადებებისა და შეფასებების გაკეთება. მე ჰიპოტეტურ გადაწყვეტილებებზე ვერ გავაკეთებ კომენტარს, რაც არ უნდა შესაძლებელი იყოს არ შევაფასებ. არაკორექტული იქნება აქედან რომ შევაფასო პრემიერის ქმედებები და მისი მოღვაწეობა, რომელიც უნდა შეაფასოს ქართულმა პოლიტიკურმა ელიტამ და პოლიტიკურმა პარტიებმა. ხვალ იქნება იმის დრო, რომ კომენტარები გაკეთდეს", — აღნიშნა პრეზიდენტმა.

მამუკა ბახტაძემ პრემიერის თანამდებობიდან გადადგომის შესახებ ფეისბუქზე დღეს, 2 სექტემბერს დაწერა.