შინაგან საქმეთა სამინისტროს ინფორმაციით, გარდაბნის მუნიციპალიტეტში, სოფელ თელეთთან ავარიის შედეგად ორი ადამიანი გარდაიცვალა, 15 კი დაშავდა. უწყებაში აცხადებენ, რომ ერთმანეთს ორი მიკროავტობუსი და ერთი მსუბუქი მანქანა შეეჯახა.

საქმეზე გამოძიება სისხლის სამართლის კოდექსის 276-ე მუხლის მერვე ნაწილით დაიწყო. ამ მუხლით ტრანსპორტის მოძრაობის უსაფრთხოების წესის დარღვევისთვის, რამაც ორი ან მეტი ადამიანის სიცოცხლის მოსპობა გამოიწვია, სასჯელი ექვსიდან ათ წლამდე პატიმრობაა.