29 წლის ყაზახმა ქალმა, ლილია კონოვალოვამ 24 მაისს იმშობიარა და გოგო გააჩინა. თუმცა პატარას ტყუპისცალი ძმა თითქმის 3 თვის შემდეგ, 9 აგვისტოს დაიბადა.

"ჩემს შვილს სამყაროს ნახვა არ ეჩქარებოდა", — ამბობს დედა. მან გოგონას ლია დაარქვა, ხოლო ბიჭს — მაქსიმი.

ლია 6-თვეზე ნაკლებ დროში დაიბადა და 1 კილოგრამს იწონიდა. მაქსიმი კი, რომელიც 8-თვიანია — 3 კილოგრამს.

დედის და პატარების ფოტოები და ვიდეო ყაზახეთის ჯანმრთელობის სამინისტრომ გამოაქვეყნა. ერთ-ერთ ფოტოში გაღიმებულ დედას ვხედავთ.

ფოტო: REGIONAL HEALTH URALSK

კონოვალოვას ორმაგი საშვილსნო აქვს და ამიტომ მოუწია ორჯერ მშობიარობა. ორმაგი საშვილოსნო იშვიათი მოვლენაა, რომელიც ნაადრევი მშობიარობის რისკს ზრდის. დედის თქმით, ახლა მისი ორივე შვილი თითქმის თანაბარი წონისაა.

მსგავსი შემთხვევა ცოტა ხნის წინ ბანგლადეშშიც დაფიქსირდა, როდესაც ქალმა მშობიარობიდან ერთ თვეში ტყუპები გააჩინა.