მოძრაობა სახელმწიფო ხალხისთვის ლიდერი პაატა ბურჭულაძე 61-ე საარჩევნო უბანზე ამავე მოძრაობის წევრთან, მამუკა კაციტაძესთან ერთად მივიდა. ბურჭულაძემ მოუწოდა მოქალაქეებს, არ დაიზარონ და მივიდნენ არჩევნებზე, რადგან დღეს მათი მომავალი ბედი გადაწყდება:

"ხვალ დილით უკვე გვიან იქნება. ამიტომ დღეს გამოდით და ეს 4 წელი, რაც იქნება მომავალში არ გაიფუჭოთ და გქონდეთ ის ბედნიერი. ხმა მივეცი საქართველოს თავისუფლებას, გაჭირვების წინააღმდეგ ბრძოლას, ყველა გაჭირვებული ადამიანის ფეხზე დადგომას".

"მე უარი ვუთხარი ჩემი არჩევანით გუშინდელ დღეს, დღევანდელ დღეს და იმ ნაკლოვანებებს, რაც ახლდა წარსულს. მე მხარი დავუჭირე ხვალინდელ, ხალხის მომავალს, თავისუფალ მომავალს, თავისუფალ არჩევანსა და განვითარებას", - განაცხადა მამუკა კაციტაძემ.